台灣地震的餘波就是網絡大地震了, 習慣了上網的我, 頓時若有所失.  好幾天日都上不了這兒 update, 今天終於上到了速度卻又很慢, sina 與 pixnet 卻沒有問題, 看來真的要考慮搬家了.   

噚先差唔多 8:30pm 時地震呀!  當時我同兔爸係兔嫲嫲屋企, 感覺到震左兩次.  不過我個時都唔知係地震呀, 淨係覺得張 sofa 有 d 震, 睇完 rosy 同另一個網友既 blog 先知原來係地震!

哎呀, 當時得豆豉仔一個係屋企, 唔知佢驚唔驚呢 ??

我叫做 "雪耳", 我親生媽媽係小豬耳, 小豬耳媽媽話我瞓醒就會見到新媽媽 Janet 喇.  我都唔知瞓左幾耐, 一打開眼就見到 Janet 媽媽喇, 佢話會好好照顧我, 叫小豬耳媽媽唔駛擔心!

點解本 "好方便" 雜誌會無左我最鍾意既介紹食野個本呀, 人地買佢都係為左個本 "飲食" 之嘛!  等我仲係度諗點解佢今期會賣 $5 咁平添, 我唔制呀~~  還我飲食呀 >__<

這陣子不知怎的發生了很多不幸事件, 幾位朋友的兔兔與狗狗都去了當小天使.

外婆在上星期進行了第二次手術, 舅父剛發現患了重病.  爸爸在我旅行前一日進行了一個小手術, 幸好化驗報告是正面的.

心裡很不舒服 ..... 

收到廚神玲玲媽親手造的月餅, 包裝精美與街外買的無異, 只是欠了個鐵盒罷!

先試了酥皮奶皇味, 唔~~ 好香的奶皇味啊!  而且不算太甜呢!  好好味啊!!  多謝晒!!

由明天後暫停更新數天!   東京, 我黎喇, 呵呵 ~~~~

我個心一早已唔係度喇, 早早已飛左去異地, 仲有兩星期.  積存了不少電影與食評無心機寫, 更新緩慢中 !!

 

呢幾日既心情超好啊!  在網上四處搵資料, 真係未出發, 先興奮呢!  熱切期待一個月後的開心假期啊   \ (^ __^) /

噚日係 "吉豬島" 終於比我見到 1:1 既 Keroro 喇!! 

被 shizugi tag 中了玩這個桌面接力遊戲!

OS為?
Windows XP

這台是你的個人電腦？還是公司或家人共用的電腦?
與兔爸共用的電腦

這張桌布是什麼? 從哪裡取得的?
是豆豉仔被我用一陽指點中時的模樣呢

更換桌布的頻率高嗎?
不算高, 很多時好幾個月都不更換

桌面上有幾多個ICON?
0 個!  我是怪人, 我不喜歡被 icon 遮擋著我的 wallpaper

一堆檔案和捷徑放得亂七八糟的桌面，你看得下去嗎?
不, 所以才會有 0 個 icon 出現的情形呢

有沒有什麼堅持點?
無

有為了填這份接力, 還特地整理一下嗎?
沒有

最後請再傳給5個「我想看看他的桌面」的人。
飯太, 小 b 媽, mo 媽, 玲玲媽, 傻啡米媽

 

7 仔今次送既係我最鍾意既 Winnie the Pooh 呀!  為左換齊呢批 Winnie, 睇怕都要黎個集中購物行 @ 7 仔, 要勤 d 去 7 仔買野先得喇!!

為了響應 "香港熄燈" 行動, 昨夜 (8/8) 晚上八時正, 我與兔爸及豆豉仔於漆黑渡過了三分鐘.  很可惜的是, 環顧左鄰右舍發現不是有太多人響應, 而更令人失望的相信是有關官員所說的 "損害香港國際形象" 的一番說話.
我不明白一個標示著香港對空氣污染問題及環保著緊的和平行動, 如何令香港的國際形象受損.  反而幾萬人滯留在國際機場就不會損害國際形象, 真可笑!!

呢度比官方強逼性改版後變得好醜樣呀!  d 野全部放大晒, 我好唔鍾意呀!  人地又唔係老花, 駛唔駛將 d 字放到咁鬼死大呀! 

之前一路都心思思想轉地盆架喇, 我有諗過轉 sina 或者係無名, 貪佢兩個都唔駛註冊就可以留到言, 轉邊個好呢??

早前書展買的書還未看完, 案頭堆滿了未看的書, 卻又自掘墳墓了.  令我沉溺於書香中的是 ....

 

.

.

.

.

.

.

.

.

 

金田一, 是不是給我騙到呢 ???  哈哈 !!!!!!!!!!!

 

金田一這陣子又推出了三本漫畫, 不看尤自可, 一看便不得了, 金田一癮大發.  只好把 "寄存" 於兔爸未結婚時房間的金田一漫畫找了出來, 搬了回家後, 便又立即開始追看了.  不過, 原來好像還欠數本短篇, 看來要快點補購了.

今日去書展時, 有好多警察係附近維持秩序同交通, 我地只可以係警察指定既地點橫過馬路  我見到有個四眼恤衫友唔願向前行多幾步, 要係會展過馬路去中環廣場, 咁個交通警見到就用個大聲公同佢講 "先生, 你唔係度亂過馬路呀, 車死你呀!"  個四眼友唔理佢, 仲要照過.  個交通警又叫 "你唔好再過喇!", 講完時個四眼友已經過晒條馬路, 可能佢心諗 "你有你講, 我有我過".  但係, 好戲在後頭 ....

 

當個交通警講緊 "你唔好再過喇" 既同時, 有個 CID 衝埋去個四眼友度, 當個四眼友啱啱過完馬路時, 個 CID 係佢背後大喝 "你同我企係度!" 跟住, 交通警就話 "啱啦, 你同我抄低佢資料, 我會比張告票佢"

 

嘩!  我聽完差 d 想鼓掌呀!  人地叫住你唔好過, 你都當人無到,  抵你死啦, 四眼恤衫友! 

今日又再去多左次書展, 不過, 今次只有我自已一人.  沒有兔爸在旁相伴傾傾講講, 時間過得特別慢, 好唔容易先等到兔爸夠鐘收工去食晚飯.    唔知係唔係因為報紙話好多書商會大傾銷, 所以特別多人黎呢 ??  不過, 亦唔見得特別平左好多. 

 

今次買左漫畫 x 5, 小說 x 3, 狗書 x 1, 兔書 x 1 & 一本講正字既書, 總共用左 $340.  呢次書展真係大破財喇!

 

 

昨天朝早十點幾便到了書展, 因為時間尚早的關係, 人流不算多, 行得幾舒服.   我就買左小說 x 7 , 繒本 x 4, 兔兔書 x 3, 食譜 x 1, Peter Rabbit DVD x 2 及兔兔精品 x 2, 總共 $760.- 

 

三本兔兔書分別係:  兔子和企鵝 (簡體版) $7.9, 哈碌小兔漫畫 ($22.4) & Hi Rabbit ($40).  "Hi Rabbit" 應該係自資出版既, 以作者自家的兔兔圖片為主的.

                                   

而兔爸呢, 今年比以往好彩, 買到已不再在香港有賣的日文雜誌 x 6, 漫畫 x 3 同埋 X-Files Boxset 4-6, 總共 $1100.-  當中最抵的首推 X-Files, 簡直係超值呀, 六折發售, 每套平左 $160, 真係唔買都唔得呀!

 

今早向 msn 查詢不能上傳照片的原因, 中午已收到他們的回覆, 辦事效率真高, 值得讚許呢!  我跟著照做, 便可以再次上傳相片了, 很高興啊!

不知怎的, 這兒不能上載相片呀 !!!  怎辦呀 ???  >__<